Instituti amerikan i Paqes në Uashington mirëpriti takimin e parë të Bordit të Paqes, nga ku Presidenti amerikan Donald Trump bëri me dije se janë mbledhur 17 mld dollarë për rindërtimin e Gazës. Trump tregoi listën e vendeve që kanë paguar deri në këtë fazë për rindërtimin e Gazës, ku Shqipëria dhe Kosova deri në këtë fazë nuk kanë kontribuuar.
Kazakistani, Azerbajxhani, Maroku, Emiratet e Bashkuara Arabe, Bahreini, Katari, Arabia Saudite, Uzbekistani dhe Kuvajti kanë dhënë në total 7 mld dollarë, ndërsa 10 mld dollarë për rindërtimin e Gazës do t’i japë vetë SHBA. Rindërtimi i Gazës pritet të kushtojë 70 miliardë dollarë, sipas vlerësimeve të Kombeve të Bashkuara, Bankës Botërore dhe Bashkimit Europian, pas më shumë se dy vitesh lufte. Trump u shpreh besimplotë që një mbështetje të madhe do të kenë edhe nga kreu i FIFA, Gianni Infantino, i cili ishte gjithashtu në takimin inaugurues.
Shqipëria e cila në këtë takim përfaqësohet nga Kryeministri Edi Rama dhe Kosova nga presidentja Vjosa Osmani, kanë premtuar trupa në Gaza. “Shqipëria, Kosova, Kazakistani të gjithë kanë premtuar trupa dhe polici në Gaza. Mendoj që do të kemi disa njerëz shumë të mirë në atë force policie”, bëri me dije Donald Trump.
“Ne kemi bërë gjënë më të madhe nga të gjitha. Ne kemi paqe në Lindjen e Mesme tani”, tha Trump duke lavdëruar marrëveshjen e armëpushimit.
“Kur mora detyrën, lufta në Gaza po zhvillohej me mijëra njerëz të vrarë dhe asnjë fund nuk dukej në horizont. Sot, falë diplomacisë së palëkundur dhe angazhimit të shumë njerëzve të shquar në këtë sallë… lufta në Gaza ka mbaruar”, tha Donald Trump.
Pritet edhe fjalimi i kryeministrit Rama.
jeneral Majori Jeffers amerikan tha se 4 vendet e para që kanë shprehur gatishmërinë për të kontribuar në trupa për Gazën janë Shqipëria, Kosova, Azerbajxhani, Kazakistani, Maroku. Egjipti dhe Jordania. Shqipëria dhe Kosova tha Major Jeffers, do të trajnojnë forcat e policisë që do të diskolohen në Rripin e Gazës.
“Jam i nderuar që të deklaroj sot se 5 vendet e para që do të angazhojnë trupa ushtarakë, Shqipëria, Kosova, Azerbajxhani, Kazakistani, Maroku. Egjipti dhe Jordani janë përkushtuar për të trajnuar forcat e policisë. Më këto hapa të parë kërkojmë të sjellim siguri për paqe të qëndrueshme në Gaza”.
Presidenti amerikan, Donald Trump deklaroi se Bordi i Paqes do të mbikëqyrë OKB-në dhe të sigurojë që të funksionojë siç duhet.
“Do të punojmë me OKB-në, ngushtësisht. Mendoj se OKB-ja ka potencial shumë të lartë, nuk e kanë arritur deri tani. Duhet të flas edhe për 8 luftërat e tjera. Nuk do të jem këtu ndoshta edhe për shumë kohë, por OKB-ja duhet të jetë më e fuqishme, Bordi i Paqes do ndihmojë OKB-në që kjo të funksionojë. Do forcojmë OKB-në, të sigurohemi që kanë ambientet e duhura, nëse ka nevojë për kontribut financiar, do i ndihmojmë me kontribute financiare. Kemi njerëz shumë të mirë në OKB, kanë potencial të lartë. Është shumë e rëndësishme dhe do jetë në gjendje ta arrijë potencialin. Faleminderit që jeni këtu, jeni njerëz të mëdhenj, ju dhe vendet tuaja, jeni udhëheqës të fortë. Çdo njërin këtu prej jush sot, kam arritur ta njoh dhe ta respektoj, jeni miqtë e mi, nëse mund t’iu ndihmoj, ma thoni. Ky është një Bord i Paqes, siç nuk ka qenë kurrë më parë”, deklaroi Trump.
Presidenti i Shteteve të Bashkuara të Amerikës Donald Trump tha se përveç fondeve të mbledhura nga disa shtete, Kosova, Shqipëria e të tjerë vende do të kontribuojnë me trupa dhe polici për në Gaza.
“Kemi një përgjigje shumë të mirë nga Europa. Kemi një lidhje shumë të mirë me Europën dhe NATO-n. Norvegjia ka rënë dakord që të presë një event që do të presë Bordin e Paqes. Mendova që do të me jepnin Çmim Nobel për Paqen, kjo është më pak entuziaste, por nuk më intereson për çmime por për paqen. Kam një aftësi për të ndaluar luftëra dhe do e përdor këtë aftësi. Dua që të shpëtoj jetë dhe nuk më intereson për çmime. 2 miliardë dollarë fonde për Gazën. Japonia ka premtuar që do të organizojë për të mbledhur fonde, Kina do të jetë e përfshirë, mendoj që edhe Rusia do të jetë dakord. FIFA do të ndihmojë për të mbledhur 77 miliardë euro për Gazën, mendoj që ka të bëjë me fushat. Së shpejti do të njoftojmë detajet dhe nëse mundem së shpejti do të shkoj atje.
Kombet që janë këtu sot, nuk do të mbledhin thjesht para, por disa do të dërgojnë persona për të mbikëqyrur dhe siguruar një paqe të sigurt në Gaza. Indonezia shumë faleminderit. Maroku faleminderit shumë. Shqipëria, Kosova, Kazakistani të gjithë kanë premtuar trupa dhe polici në Gaza. Mendoj që do të kemi disa njerëz shumë të mirë në atë forcë policie. Të gjitha këto vende po punojnë për një vizion që ka të bëjë me paqen në Lindjen e Mesme. Tani është koha për Iranin që të na bashkohet. Nuk duhet të bëjnë destabilitetin në rajon. Nëse nuk arrihet marrëveshja gjëra shumë të këqija do të ndodhin”, tha Trump.
“Kemi një marrëdhënie shumë të mirë me Europën. Kreu i NATO-s po bën një punë të mirë.” Kështu u shpreh president Donald Trump gjatë fjalimit të tij në takimin e Bordit të Paqes.
Ai tha se Norvegjia do të mbledhë Bordin e Paqes dhe shtoi me ironi se mendoi se po i jepnin Çmimin Nobel. “Nuk më intereson Çmimi Nobel, më intereson paqja,” u shpreh ai.
Presidenti Donald Trump theksoi se nëse ka mundësinë të ndalë luftërat, do ta bëjë. “Nëse kam aftësinë të fik luftërat, dua ta bëj. Dua të shpëtoj jetë,” tha ai para të pranishmëve.
Gijotina.com/
Discussion about this post