Komisioni Rregullator pranë KQZ ka vendosur që fushata për zgjedhjet e pjesshme lokale në 6 bashki të vendit,, të nisë në datën 19 shkurt.
Partia Demokratike kishte dorëzuar më herët në Komisionin Qendror të Zgjedhjeve, kërkesën që fushata elektorale për zgjedhjet e pjesshme të zgjasë një muaj dhe të nisë më 7 shkurt, po ky afat është hedhur poshtë nga Komisioni.
Në 6 Mars do të zgjidhen kryebashkiakët e Shkodrës, Durrësit, Rogozhinës, Lushnjes, Vorës dhe Vaut të Dejës. Deri më tani të gjitha subjektet politike kanë shprehur interesin për të qenë pjesë e garës, ndërkohë që PD pritet të kandidojë me kandidatë të ndryshëm, në një anë ata që do të propozohen nga Berisha dhe nga ana tjetër të propozuarit e Bashës.
Discussion about this post