Shembja e rrugës, rritet me 300 lek çmimi i biletës për udhëtarët e linjës Korçë-Tiranë

Rruga e shembur në Librazhd po shton koston për qytetarët e Korçes.

Çmimi i biletës së autobusit është rritur për shkak se linjat e transportit tashmë jane devijuar në segmentin rrugor Gramsh-Maliq.

Kush udhëton nga Korça në Tiranë dhe anasjelltas, paguan 300 lekë më shumë. Linjat e transportit rriten çmimin e biletës për shkak të shembjes së rrugës në Librazhd.

Autobusët e mikrobusët prej 5 ditësh po lëvizin në rrugën alternative, Gramsh-Maliq, e cila është një rrugë interbane me distancë më të gjatë si dhe me kthesa të shumta.

Bileta e autobusit në linjë Korce-Tiranë ishte 700 lek ndërsa tashmë është bërë 1000 lek. Qytetarët ankohen për koston e lartë dhe të papërballueshme pasi për të bërë rrugën vajtje-ardhme duhet të shpenzojnë plot 2 mijë lek (20 euro).

Megjithatë, shqetësimi më i madh i qytetarëve është se kjo rritje mos mbetet e përhershme edhe pas normalizimit të situatës.

Drejtuesit e autobusëve thonë se u detyruan të rrisin biletën prej konsumit të karburantit.