Situata u tensionua ndjeshëm gjatë protestës së Partisë Demokratike, ku kreu i PD-së, Sali Berisha, është goditur me spray piper nga forcat e policisë teksa po marshonte në bulevard së bashku me mbështetësit e tij.
Sipas informacioneve nga vendngjarja, ndërhyrja e policisë erdhi pas përshkallëzimit të situatës, ndërsa më herët një grup protestuesish kishin sulmuar ish-vilën e Enver Hoxhës në zonën e ish-Bllokut, duke hedhur molotovë dhe duke shkaktuar zjarr në ambientet e jashtme.
Pamjet që qarkullojnë në rrjet tregojnë momente tensioni dhe shtyrje mes protestuesve dhe forcave të rendit. Pas incidentit me spray piper, Berisha është larguar nga zona për të shmangur përshkallëzim të mëtejshëm.
Deri në këto momente nuk ka një reagim zyrtar të detajuar nga Policia e Shtetit mbi ndërhyrjen, ndërsa situata në kryeqytet mbetet e tensionuar dhe nën monitorim të shtuar.
Ngjarja vijon të jetë në zhvillim dhe priten deklarata zyrtare në orët në vijim.
Discussion about this post