Ditën e djeshme Drejtoria e Standardeve Profesionale në Policinë e Shtetit ka marë masa disiplinore ndaj ish-drejtuesve të Policisë së Lezhës. Për shkak se kanë shpërdoruar detyrën duke lejuar lojërat e fatit dhe kultivimin e kanabisit, sipas Drejtorisë së Standardeve janë përjashtuar nga policia ish-zv/drejtori për Rendin në Policinë e Lezhës, Taulant Gjoka dhe ish-shefi i Komisariatit Oltion Gjoni sepse për të dy është kompetencë e tyre kontrolli i territorit për veprat penale si organizimi lojrave të fatit dhe kultivimi i drogës.
Ndërsa, për ish-drejtorin e Policisë së Lezhës, Altin Mena, është vendosur ulje në gradë për 5 vite. Mena aktualisht është zv/drejtor për rendin në Policinë e Kukësit. Ndërsa për zv/drejtorin për Krimet, Kujtim Gjokën, është vendosur shtyrje e afatit të gradimit.
Pas lëvizjeve apo masave të menjëhershme pas operacionit, është komanduar Drejtor i në DVP Lezhë z. Kujtim Gjoka, i cili përpara furtunës që ndodhi në këtë drejtori mbante postin e zv/drejtorit për Krimet në DVP Lezhë, i vetmi i paprekur nga kjo furtunë, madje ështe graduar si drejtues i komanduar.
E gjithë çështja nis pikërisht këtu!
Kujtim Gjoka është titullari më jëtëgjatë nga titullarët e lartpërmendur, dhe kjo kazino që u gjend në mes të qytetit të Lezhës apo dhe “shtëpia e barit” që u kapën nga pikërisht këta drejtues nuk ishte hapur kohëve të fundit. Madje personat e shpallur në kërkim pas këtyre operacioneve “të suskseshme”, janë pjesë e një grupi kriminal tejet të rrezikshëm në këtë qark, hetuar nga SPAK për vrasje me pagesë dhe krime të tjera të rënda, gjë e cila ështe përgjegjësi e drejtpërdrejt e zv/drejtorit për Krimet që jo vetëm duhet ti mbante nën vëzhgim, por dhe duhet të hetonte se cilat janë burimet ekonomike të këtij grupi.
Kjo kupolë drejtuese që u përjashtua dhe anatemua, u kap nga furtuna pse e ndaluan apo sepse kanë bërë veprime për të lejuar aktivitete të paligjshme në teritorin e tyre? Sepse motivacioni i shkarkimeve, përjashtumeve apo uljeve në gradë është “shpërdorimi i detyrës duke lejuar lojërat e fatit dhe kultivimin e kanabisit”. Në fakt erdhi pse i ndaluan apo pse nuk i lejuan ?
Sipas informacioneve të mbërituara, Anduela Gjoka, pikërisht bashkëshorte e z Kujtim Gjoka, që doli i larë dhe i graduar nga kjo furtunë rezulton të jetë shefja e SHISH për parandalimin dhe zbulimin e kultivimit të lëndëve narkotike në qytetin e Lezhës. Në fakt çifti Gjoka të dy kanë detyrat e tyre respective në institucionet në të cilat ushtrojnë detyrat e tyre kapjen e lëndëve narkotike. Në fakt as Kujtim Gjoka dhe as bashkëshortja e tyre, nuk bënë asnjë veprim për kapjen e tyre dhe çuditërisht vazhdojnë në detyrat e tyre të pashqetësuar.
A mos vallë kësaj rradhe ish-Drejorti i Përgjitshëm i Policisë së Shtetit, z. Ilir Proda ngatëroi mbiemrin që për ironi të fatit të dy zv.Drejtorët e kanë të njejt apo lejoi me dashje që të ngatërohej shenjestra dhe ta vazhdonte aktivitetin grupi kriminal i pashqetësuar dhe lau duart nga kjo histori ku ketij grupi kriminal i ishin cënuar asetet e tij ekonomike?
gijotina.com/
Discussion about this post