Kryedemokrati, Sali Berisha është paraqitur paraditen e kësaj të hëne në Prokurorinë e Posaçme, SPAK, në zbatim të masës detyrim paraqitje të caktuar ndaj tij për dosjen Partizani.
Jashtë ambjenteve të SPAK, Berisha ka deklaruar se Belinda Balluku, të cilën SPAK kërkon ta arrestojë nuk paraqitet në prokurori, siç thotë Berisha, pa Edi Ramën.
“Lubia nuk vjen këtu, kërkon Ramën me vete, dhe ia ka bërë të qartë edhe Lindës së Surrelit se do t’i marrë me rrecka. Të dyve ua ka bërë të qartë, sepse dyshimi i grave është i pa kufijshëm”, tha ai.
Berisha lexoi edhe një mesazh që ka lënë për ish kreun e këtij insitucioni, Altin Dumani.
“Altin Troplinit, armikut të egër të votës së lirë të shqiptarëve, avokatit të Irena Gjokës, Elvis Doçit, Altin Hajrit dhe Kreshnik Farrukut, me paralajmërimin se drejtësia vonon, por nuk harron dhe krimi antikushtetues do marrë ndëshkimet më të rënda”.Ky ishte dokumenti që i lashë në SKAP”,- është shprehur Berisha.
Discussion about this post