Kryeministri Edi Rama sapo ka mbërritur në Pallatin e Brigadave ku do takohet me Presidentin Bajram Begaj.
Kreu i qeverisë do t’i paraqesë Begajtporpozimet mbi shtatë ndryshimet në kabinetin qeveritar, dhe më pas ky i fundit, ka 7 ditë kohë të dekretojë shkarkimin dhe emërimin e emrave të rinj të qeverisë
Më pas do të paraqiten për votëbesim në Kuvendi i Shqipërisë, ku kërkohen të paktën 71 vota.
Ndryshimet u njoftuan fillimisht në Asamblenë e Partia Socialiste dhe përfshijnë largimin e Belinda Balluku nga posti i zv/kryeministres. Në vend të saj si numri dy i qeverisë është emëruar Albana Koçiu, ndërsa drejtimin e energjisë dhe infrastrukturës e merr Enea Karakaçi, ish-drejtues i OSHEE.
Gjithashtu, Pirro Vengu largohet nga Mbrojtja, duke u zëvendësuar nga Ermal Nufi. Ndryshim ka edhe në diplomaci, ku Elisa Spiropali zëvendësohet nga diplomati Ferit Hoxha. Në kabinet hyjnë gjithashtu Eriona Ismaili si ministre për Marrëdhëniet me Parlamentin dhe Toni Gogu si ministër i Drejtësisë, ndërsa Besfort Llamallari merr drejtimin e Ministrisë së Brendshme.
Pas dekretimit dhe votimit në Kuvend, ministrat e rinj do të betohen para Presidentit për të marrë zyrtarisht detyrën
Discussion about this post