Ergys Dashi, 34-vjeç nga qyteti i Durrësit është vrarë në 22 janar.
Mediat ekuadoriane kanë zbardhur skemën e vrasjes së shqiptarit 34-vjeçar në Ekuador. Stafi i lokalit ku dhe ka ndodhur ngjarja e rëndë një natë më parë kanë rrëfyer se atentatorët ishin dy, një prej të cilëve mbante në duar dhe një buqetë me lule.
Ka qenë personi pas atij që mbante lule, ai që ka nxjerrë armën dhe ka qëlluar me breshëri në drejtim të Ergys Dashi duke e lënë të vdekur. Aksidentalisht, u plagos dhe një vajzë që ndodhej e ulur në tavolinën ngjitur me të shqiptarit. 26-vjeçarja Angie Romero ndodhet jashtë rrezikut për jetën.
Në vendgjarje policia ka sekuestruar rreth 20 gëzhoja automatiku.
Discussion about this post