Kreu i PS-së, Edi Rama, ka mbledhur sot Grupin Parlamentar, ku fokusi i diskutimeve është procesi i Këshillimit Kombëtar. Ai ka deklaruar se, deri në shkurt do të përfundojë Këshillimi Kombëtar. Sa për pyetësorët i tha se i ka mbërritur formulari mbi 23 mijë personave të cilët do të japin mendimin e tyre përmes 12 pyetjeve.
“Për objektivat dua që të flas disa fjalë duke nisur nga Këshilli Kombëtar, praktika e re bashkëqeverisjes që do ta kthejmë në një praktike. Ka pak ditë që ka nisur procesi i shpërndarjes me postë të formularëve. U ka arritur 23 mijë qytetarëve, por do të vendosen edhe në pika publike. Shpërndarja do të bëhet deri më 22 shkurt, e do t’i dërgohet çdo familje shqiptare. Është proces që bazohet në anonimatin e qytetarëve për të shmangur ndonjë gjë të ngjashme me skandalin e publikimit të të dhënave. Dua të theksoj se hapja e këtij procesi për të cilin na mjaftojnë kartonat në Kuvend ka një domethënie të qartë, por edhe të madhe. Ky proces kërkon që të dëshmojë se për vendimet nuk mjafton vetëm bindja jonë, por duhet edhe opinioni i gjërë”, tha ai. Kujtojmë se për shkak të koronavirusit, PS shtyjë mbledhjen e kongresit, duke theksuar se nuk duhet as të marrin vendime të nxituara në situatën që ndodhet vendi.
Discussion about this post