DJ Vin Veli, ish-partneri i Bora Zemanit ishte i ftuar në festën e ditëlindjes të moderatores, ku dhe u shfaqën shumë të qeshur pranë djalit të tyre.
I ftuar në emisionin “N’Zoom” ai foli për lidhjen e tij me Arborin edhe për moderatoren.
Ai është shprehur se ka një raport shumë të mirë me Borën dhe se i suporton të gjithë person që kanë historinë e njëjtë të shkojnë mirë me partneren, sidomos kur në mes është një fëmijë.
“Duke qenë se dhe kam një vetëmenaxhim të kohës, një pjesë shumë të mirë ia dedikoj Arborit padiskutim. Fundjavat por edhe ditë të javës pas shkollës patjetër që mundohem të jem sa më afër. Kam një raport shumë të mirë (me Borën) dhe patjetër që e kam uruar çdo ditëlindje, jo vetëm këtë 30 vjetor. Thjesht urim kaq. Unë kudo që njoh mundohem të jap mesazhin time dhe tek miqtë e mi që kanë të njëjta probleme apo mund të kenë histori të ngjashme. Larg urrejtes dhe larg nxitjes së dhunës, sidomos larg urrejtjes më tepër tek fëmija. Patjetër që mendoj që jam shembull dhe jam munduar gjithmonë të jem shembull për këtë pjesë”,-është shprehur Vini.
Kjo nuk është hera e parë që ata shfaqen pranë njeri-tjetrit, pasi Bora dhe Dj-i janë bërë bashkë në evenimente të ndryshme me rëndësi për ta, si ditëlindja e birit të tyre apo ceremonitë e tij në shkollë.
Discussion about this post