Një anije e Marinës Amerikane që mbante rreth 3. 500 ushtarë ka mbërritur në Lindjen e Mesme, tha Komanda Qendrore e SHBA-së.
USS Tripoli, një anije sulmi amfibe dhe elementët e saj të Njësisë së 31-të Ekspedicionare Detare janë të bazuar në Japoni. Ata po kryenin ushtrime në zonën përreth Tajvanit kur u urdhëruan të shkonin në Lindjen e Mesme gati dy javë më parë.
Komanda Qendrore e SHBA-së tha se përveç Marinës, anija po sjell gjithashtu avionë transporti dhe sulmi në rajon.
Pentagoni po përgatitet për mundësinë e operacioneve tokësore në Iran që do të zgjasin disa javë nëse Donald Trump vendos të përshkallëzojë situatën. Sipas Washington Post operacionet tokësore nuk do të jenë një pushtim në shkallë të plotë, por më tepër inkursione nga operacione speciale dhe trupa këmbësorie.
Në ditën e 29 të luftës nuk ndalen sulmet me raketa në Lindjen e Mesme. Qeveritë e Kuvajtit, Emirateve të Bashkuara Arabe dhe Bahreinit kanë kapur një seri sulmesh ajrore me raketa dhe dronë nga Irani. Po ashtu dy shpërthime të fuqishme tronditën Teheranin.
Rebelët Huthi thonë se kanë kryer një sulm të dytë në disa pjesë të Izraelit jugor. Yahya Saree, zëdhënës i Forcave të Armatosura të Jemenit – thotë se grupi kreu sulmin me “një breshëri raketash dhe dronësh” që synonin “disa vende të rëndësishme ushtarake”.
Gjatë natës ushtria izraelite vijoi sulmet ndaj Teheranit dhe në përgjigje Irani goditi bazën ajrore të SHBA-ve, Prince Sultan në Arabinë Saudite, ku mbetën 15 ushtarë amerikanë të plagosur, 5 në gjendje të rëndë.
Ushtria izraelite u kërkon largimin banorëve të disa fshatrave pranë qytetit të Tyrit në Libanin jugor, ku po ashtu ka vijuar sulmet.
Ndersa Hezbollahu pretendon se ka goditur aeroportin Ein Shemer dhe bazën ushtarake Regavim në Izraelin verior me një breshëri raketash.
Grupi i armatosur libanez i deklaroi sulmet si hakmarrje për bastisjet e vazhdueshme të Izraelit ndaj civilëve libanezë, zhvendosjen e tyre me forcë dhe shkatërrimin e shtëpive të tyre.
gijotina.com/
Discussion about this post