Vlorë/ Kapet 17-vjeçari që shpërndante drogë, një tjetër në hetim

Policia e Vlorës ka evidentuar një rast të shpërndarjes së lëndëve narkotike mes të miturve.

Në lagjen “Pavarësia”, mbrëmjen e djeshme, shërbimet e Forcës së Posaçme “Shqiponja” ndaluan dy adoleshentë të dyshuar për shpërndarje droge.

Gjatë kontrollit ndaj një 17-vjeçari, në çantën e tij dhe në mbajtësen e kufjeve u gjetën 10 doza të dyshuara si kokainë, ndërsa në xhep iu gjet një sasi kanabisi e mbështjellë me letër alumini.

Si rezultat, 17-vjeçari u arrestua në flagrancë, ndërsa 16-vjeçari që ishte me të u procedua në gjendje të lirë.

Materialet iu referuan Prokurorisë së Vlorës për veprën penale “Prodhimi dhe shitja e narkotikëve”.

gijotina.com/