Anterio Kaloshi dhe Orges Bilbili janë dënuar me burgim të përjetshëm nga GJKKO, në lidhje me ngjarjen e rëndë të vitit 2017, që njihet si “Masakra e Lushnjes”.Bilbili dhe Kaloshi u akuzuan se si autorë të masakrës së Lushnjes, ku vranë Zamir Latifin dhe Jurgen Hoxhën në 11 tetor 2017 në Lushnjë, por u shpëtoi shënjestra, Xhulio Shkurti, nipi i Aldo Bares, kreu i bandës së Lushnjes. Në këtë atentat u plagosën Marjus Xhepexhiu dhe Bujar Turku.
Ngjarja
Më 11 tetor të viti 2017, Lushnja u trondit nga një atentat në qendër të qytetit. Nga sulmi dy persona mbetën të plagosur si dhe u ekzekutuan Jurgen Hoxha dhe Zamir Latifi. Dy viktimat kanë qenë të ulur në një bar-kafe në lagjen “Loni Dhamo”, në kohën kur ndaj tyre është qëlluar nga një automjet në lëvizje me breshëri kallashnikovi. Në vendin e krimit u gjetën më shumë se 40 gëzhoja dhe një armë tip pistolete, e dyshuar që i përkiste njërit prej viktimave. Pas sulmit nga policia u gjet i djegur një automjet tip “Benz”, që rezultoi të ishte vjedhur në Kamëz, brenda të cilit gjendeshin tre armë zjarri. Nga kamerat e sigurisë u konstatua që në mjet ndodheshin tre persona. U arrit të identifikoheshin dy prej të dyshuarve, Orges Bilbili dhe personi i shpallur në kërkim L.Haxhiu. Shënjestra e atij atentati, Xhulio Shkurti u largua nga lokali ku ishin viktimat pak minuta para se të ndodhte sulmi. Shkak i sulmit rezultoi të ishte konflikti mes familjeve Shkurti dhe Haxhiu. Konflikt që ka lindur pasi banda e Aldo Bares ka djegur shtëpinë e xhaxhait të L.Haxhiut, ndërsa në vitin 2005 është vrarë djali i xhaxhit të L.Haxhiut. Haxhiu ka tentuar ta vrasë Xhulio Shkurtin dhe më parë, por pa mundur ta finalizojë si vrasje. A.L/gijotina.com
Discussion about this post