Një aksident i rëndë rrugor është regjistruar në Friuli të Italisë, ku si pasojë ka humbur jetën një person, ndërsa një shqiptar ndodhet në gjendje të rëndë.
Sipas policisë, aksidenti ndodhi në zonën e Marianos, ku u përfshinë një kamion i drejtuar nga shqiptari dhe një furgon frigoriferik që drejtohej nga viktima. Përplasja ka qenë e fortë dhe me pasoja fatale për një nga drejtuesit e mjeteve.
Shoferi shqiptar është transportuar me urgjencë drejt spitalit në Udine me helikopter, ndërsa burime mjekësore bëjnë me dije se ai ndodhet në gjendje kritike dhe po lufton për jetën.
Identiteti i tij nuk është bërë ende publik, ndërsa autoritetet vijojnë hetimet për të zbardhur rrethanat e aksidentit.
Discussion about this post