SPAK jep pretencën për ish kreun e ARRSH-së Evis Berberi, ja sa vite burg kërkon -

Prokuroria e Posaçme Kundër Korrupsionit dhe Krimit të Organizuar (SPAK) ka dhënë këtë të premte pretencën për të pandehurit e dosjes së ARRSH-së, përfshirë ish-drejtorin Evis Berberin dhe 2 ish-vartësit e Belinda Ballukut, Gentian Gjyli dhe Erald Elezi.

Për ish-drejtorin e Autoritetit Rrugor Shqiptar, Ervis Berberi, i arrestuar në 2024-ën, i cili sipas SPAK është përshirë në raste korruptive me vlerë rreth 15 milionë euro, kërkohet 10 vite burg.

SPAK kërkoi shpalljen e tij fajtor për shkelje të barazisë në tenderë në 5 episode, korrupsion pasiv në 6 episode dhe pastrim parash në 1 episod, por për shkak të gjykimit të shkurtuar dënimi për Berberin ulet në 6 vite e 8 muaj burg, si edhe i ndalohet të ushtrojë funksione publike për 5 vite.

Prokuroria kërkoi konfiskimin e parave të gjetura gjatë kontrolleve në shtëpinë e Berberit, konkretisht për 15 mijë euro, 35 mijë paund dhe 1 milion lekë.

Ndërkohë, për Gentian Gjylin dhe Erald Elezin, të dy ish-vartës të Ballukut, SPAK ka kërkuar shpalljen fajtorë për shkelje të barazisë me tenderë dhe dënimin e tyre me nga 1 vit e 6 muaj burg, që më gjykim të shkurtuar zbret në 1 vit burg dhe ndalimin me 3 vite që të ushtrojnë funksione publike. Procesi ndaj tyre është me gjykim të shkurtuar.

Akuzat ndaj Ervis Berberit

Ish vartësi i Belinda Ballukut, Evis Berberi u arrestua më 14 mars 2024. Sipas Prokurorisë së Posaçme, Berberi rezulton i përfshirë në raste korruptive me 8 tendera që kapin vlerën e 5 milionë eurove.

SPAK ka dyshime se Berberi, fillimisht si Drejtor i Efiçencës së Energjisë, ka zhvilluar tre procedura prokurimi me vlerë rreth 1.2 milionë euro që janë fituar nga kompania DAAM që drejtohej nga Valter Begaj, por që defakto sipas Prokurorisë, kompania zotërohej prej Berberit. Po kështu, SPAK dyshon se në kohën që Berberi drejtonte ARRSH, e njëjta kompani ka fituar tre tendera të tjerë më vlerë rreth 1 milionë euro.

Hetimet e prokurorisë zbuluan gjithashtu se kjo kompani është përdorur për kalimin drejt saj të sasive të mëdha të parave, nga kompania tjetër, “Net Group”, e sipërmarrësit Begaj, përmes transaksioneve të ndryshme. Paratë e kaluara në favor të kompanisë “Daam”, janë përdorur për të blerë prona të patundshme në emër të kësaj shoqërie. Këto veprime kanë ngritur dyshime për Prokurorët, se gjenden përballë një veprimtarie të pastrimit të parave.

Transaksionet nga “Net Group” drejt shoqërisë “Daam”, në zotërim indirekt nga Berberi, përkojnë, sipas hetimeve, me kohën kur shoqëria “Net Group” rezultoi fituese e disa tenderave të shpallur nga Agjencia për Efiçencën e energjisë dhe Autoritetit Rrugor, nën drejtimin e Berberit.

Akuzat ndaj Gentian Gjylit

Sipas materialeve hetimore, Gentian Gjyli, i cili ka mbajtur funksione drejtuese në struktura të lidhura me menaxhimin e projekteve energjetike dhe infrastrukturore, akuzohet për: shpërdorim detyre, shkelje të barazisë në tendera, bashkëpunim në kryerjen e veprave penale.

SPAK dyshon se Gjyli ka qenë pjesë e komisioneve të vlerësimit të ofertave, ku kriteret e tenderimit janë ndërtuar në mënyrë të tillë që favorizonin kompani të paracaktuara. Hetimet tregojnë se oferta të tjera janë skualifikuar për arsye formale, ndërsa projektet janë miratuar me kosto të fryra dhe konkurrencë të kufizuar.

Prokuroria e Posaçme dyshon gjithashtu se veprimet e tij nuk kanë qenë të izoluara, por të koordinuara në kuadër të një zinxhiri vendimmarrës, ku roli i zyrtarëve teknikë ka qenë zbatimi i vendimeve të marra në nivele më të larta.

Akuzat ndaj Erald Elezit

Në të njëjtën dosje, Erald Elezi përmendet si zyrtar me rol teknik dhe operacional në fazën e zbatimit të kontratave publike. Ai akuzohet për: shpërdorim detyre, falsifikim dokumentesh, bashkëpunim në shkeljen e procedurave të prokurimit publik.

Sipas SPAK, Elezi dyshohet se ka hartuar dhe certifikuar dokumentacion teknik që nuk përputhej me realitetin e punimeve në terren. Ky dokumentacion është përdorur për të justifikuar pagesa shtesë, shtyrje afatesh dhe ndryshime kontraktuale pa bazë ligjore.

Hetimet tregojnë se roli i tij ka qenë kyç në mbulimin e shkeljeve të konstatuara gjatë zbatimit të projekteve, duke i dhënë atyre një formë të ligjshme përmes akteve administrative dhe raporteve teknike.

Pretenca për të pandehurit e tjerë:

1-Personi Juridik “Net Group”,

2-Personi Juridik “DAAM”,

3-Adela Kica, 1 vit burg që konvertohet në punë me interes publik dhe t’i hiqet e drejta për të ushtruar funksione publike për 3 vite

4-Adja Strazimiri,1 vit e 6 muaj që konvertohet në punë me interes publik dhe t’i hiqet e drejta për të ushtruar funksione publike për 3 vite

5-Adrian Kroi,1 vit e 6 muaj burg që konvertohet në 4 vite shërbim prove si dhe t’i hiqet e drejta për të ushtruar funksione publike për 3 vite

6-Altin Llazi Marko, 1 vit burg që konvertohet në 4 vite shërbim prove dhe t’i hiqet e drejta për të ushtruar funksione publike për 3 vite

7-Artan Leskoviku, 1 vit burg që konvertohet në 4 vite shërbim prove dhe t’i hiqet e drejta për të ushtruar funksione publike për 3 vite

8-Bledar Aliaj, 1 vit e 6 muaj burg që konvertohet në 4 vite shërbim prove si dhe t’i hiqet e drejta për të ushtruar funksione publike për 3 vite

9-Blerta Musabelli, 2 vite burg që konvertohet në punë me interes publik, si dhe t’i hiqet e drejta për të ushtruar funksione publike për 3 vite

10-Brunilda Luli, 7 vite e 6 muaj muaj burg, që konvertohet në shërbim prove për 4 vite

11-Denis Xhoxhi, 1 vit burg që konvertohet në punë me interes publik si dhe t’i hiqet e
drejta për të ushtruar funksione publike për 3 vite

12-Ela Goxhaj,1 vit 6 muaj burg që konvertohet në 150 orë pune me interes publik dhe t’i hiqet e drejta për të ushtruar funksione publike për 3 vite

13-Erald Elezi, 1 vit e 6 muaj burg që reduktohet me 1/3 për shkak të gjykimit të shkurtuar, si dhe t’i hiqet e drejta për të ushtruar funksione publike për 3 vite

14-Ervis Lami, 7 vjet e 6 muaj burgim që reduktohet me 1/3 nga gjykimi i shkurtuar pjesa e mbetur shërbim prove 4 vite.

15-Genti Raça, 1 vit e 6 muaj burg që konvertohet në shërbim prove dhe t’i hiqet e drejta për të ushtruar funksione publike për 3 vite

18-Gezim Ali Noni, 1 vit e 6 muaj burg që konvertohet në shërbim prove 4 vite dhe t’i hiqet e drejta për të ushtruar funksione publike për 3 vite

19-Jetmira Dervishi, 1 vit e 6 muaj burg që konvertohet bë punë me interes publik dhe t’i hiqet e drejta për të ushtruar funksione publike për 3 vite

21-Kamelia Fatri Tafaj, 2 vite burg që konvertohet bë punë me interes publik dhe t’i hiqet e drejta për të ushtruar funksione publike për 3 vite

22-Orjon Myzafer Islamaj, 1 vit burg që në shërbim prove 4 vite dhe t’i hiqet e drejta për të ushtruar funksione publike për 3 vite

23-Shkelqim Dervish Lusha, 1 vit e 6 muaj burg që konvertohet në shërbim prove 4 vite dhe t’i hiqet e drejta për të ushtruar funksione publike për 3 vite

24-Valbona Sulejman Pepa, 1 vit e 6 muaj burg që konvertohet në punë me interes publik dhe t’i hiqet e drejta për të ushtruar funksione publike për 3 vite

25-Valter Nimet Begaj është me gjykim të zakonshëm