Deputeti i Partisë Demokratike, Besart Xhaferri, ka mbajtur fjalimin e tij në protestën e opozitës përpara Kryeministrisë, duke lëshuar akuza të forta ndaj qeverisë dhe duke bërë thirrje për reagim qytetar.
Deputeti akuzoi qeverinë se e ka kthyer vendin në pronë private dhe se fondet publike po keqpërdoren. “Paratë tuaja nuk shkojnë për shkolla më të mira, për spitale ku gjen shërim, as për rrugë e siguri publike. Shkojnë në xhepat e një grushti personash përmes tenderave sekretë dhe koncesioneve fantazmë,” u shpreh ai.
Ai u bëri thirrje qytetarëve që të reagojnë dhe të mos pranojnë situatën aktuale, duke theksuar se vendi ka potencial për zhvillim. “Ne kemi inteligjencën, forcën dhe arsimimin që ta bëjmë Shqipërinë të denjë për familjet tona,” deklaroi deputeti.
gijotina.com/
Discussion about this post