Në zemër të Athinës së lashtë, në rrugë të ngushta dhe rreth vendeve arkeologjike, grupe vizitorësh duket se janë kudo, duke u gjarpëruar pas guidave turistike.
Më parë, zyrtarët do t’i kishin mirëpritur skena të tilla. Por për Haris Doukas, kryetarin socialist të bashkisë i cili është i vendosur të rimarrë qendrën e mbingarkuar të kryeqytetit për qytetarët e tij, fillimi i sezonit turistik e lë qytetin në rrezik të “mbingopjes së tepërt”. Lagje të tëra, beson ai, janë në rrezik të humbasin autenticitetin e tyre për shkak të zhvillimit të pakontrolluar turistik.
“Athina nuk mund të funksionojë sikur të ishte një hotel gjigant,” tha ai në një intervistë. “Nevojiten kufizime dhe rregulla. Qytetet gjithashtu duhet të kenë një fjalë në mënyrën se si zhvillohen.”
Vitin e kaluar, më shumë se 8 milionë njerëz vizituan Athinën, një rekord për një qytet që jo shumë kohë më parë konsiderohej si një ndalesë për ishujt grekë. Vetëm në qiratë afatshkurtra, qëndrimet brenda natës në lagjen popullore Plaka poshtë Akropolit janë më shumë se dyfishuar që nga viti 2018, zbuloi një studim i porositur nga bashkia së fundmi. Në bashkinë neoklasike të qytetit, zyrtarët thonë se koha është thelbësore nëse Athina nuk do të bjerë viktimë e suksesit të vet. Shenjat paralajmëruese janë kudo; nga qiratë në rritje të pronave që i kanë lënë banorërt e qytetit, deri te infrastruktura e mbingarkuar që po përkulet nën presion.
Discussion about this post