Një zjarr ka rënë në katin e gjashtë të një pallati në zonën e Komunës së Parisit në Tiranë, konkretisht në kompleksin Kika 1.
Sipas informacioneve paraprake, në vendngjarje kanë ndërhyrë forcat zjarrfikëse, të cilat kanë punuar për të vënë flakët nën kontroll.
Ndërkohë banorët e pallatit janë evakuuar nga forcat zjarrfikëse, ndërsa dyshohet se shkak i rënies së zjarrit mund të jetë një shkëndije elektrike.
Njoftimi i Policise:
“Rreth orës 10:00, në rrugën “Prokop Mina” ka rënë zjarr aksidentalisht në katin e shtatë të banesës të marrë me qira nga shtetaset K. Sh dhe S. Gj.
Nga zjarri dyshohet se është asfiksuar nga tymi shtetasi A. K, i cili banonte një kat më lart banesës së tyre, i cili po merr ndihmë mjekësore në spital, jashtë rrezikut për jetën”, njofto policia.
Grupi hetimor ndodhet në vendngjarje dhe po punon për sqarimin e plotë e rrethanave të rastit. Materialet procedurale iu referuan Prokurorisë së Tiranës, për veprime të mëtejshme”.
Kujtojmë se me 25 janar 2025, zjarri shpërtheu në garazhin e një pallati tetëkatësh në zonën e Komunës së Parisit në Tiranë, la pas tre makina të djegura dhe katër persona të lënduar.
gijotina.com/
Discussion about this post