Në Gjykatën Administrative të Apelit në Tiranë është regjistruar një padi e Partisë Demokratike kundër Komisionit Qendror të Zgjedhjeve, me Partinë Socialiste si palë e tretë në proces.
Çështja i është referuar Kolegjit Zgjedhor dhe lidhet me vendimin e KQZ-së për krijimin e qendrave të posaçme të votimit në institucionet e ekzekutimit të vendimeve penale, si dhe për administrimin e listave të zgjedhësve në këto institucione.
Sipas padisë, vendimi i KQZ-së konsiderohet i kundërligjshëm dhe në kundërshtim me Kushtetutën dhe Kodin Zgjedhor, ndërsa kërkohet shfuqizimi i tij.
Në dokument përmenden edhe një sërë bazash ligjore nga Kushtetuta, Kodi Zgjedhor, Kodi Civil dhe Kodi i Procedurës Administrative.
Trupi gjykues fillimisht është përcaktuar përmes shortit publik, por më pas është bërë ndryshim për shkak të zëvendësimit të një prej anëtarëve.
Pas riorganizimit, gjykimi do të zhvillohet nga një trup prej pesë gjyqtarësh të Kolegjit Zgjedhor.
Seanca gjyqësore është caktuar të zhvillohet më 20 maj 2026, në ambientet e Gjykatës Administrative të Apelit në Tiranë.
Çështja pritet të shqyrtojë ligjshmërinë e vendimit të KQZ-së që lidhet me organizimin e procesit të votimit në institucionet e burgjeve dhe mënyrën e administrimit të votës në zgjedhjet vendore.
gijotina.com/
Discussion about this post