Disa faqe mediatike ranë pre e sulmit kibernetik në një kohë ku ato kanë publikuar disa të vërteta jo fort të mira për qeverinë e më së fundmi për kryebashkiakun e Tiranës, Erion Veliaj.
Eksperti i krimit kibernetik Besmir Semanaj ka komentuar sulmet kibernetike ndaj faqeve, të cilat janë kritike ndaj qeverisë.
Ai thekson se sulmet janë të përgatitura më së miri dhe se sulmet e tilla kushtojnë nga 150 mijë deri në 300 mijë euro.
“Sulmet gjigande ndaj portaleve kritike të qeverisë, kushtojnë deri 300 mijë euro. Shumë informacione që janë në portale zhduken, kur janë kritike ndaj qeverisë sidomos, pasi janë hakera të përgatitur dhe këto hakerime janë me kosto të lartë. Këto sulme shkojnë nga 150 mijë deri 300 mijë euro. Po sulmohen edhe faqe kritike ndaj qeverisë, që janë thuajse anonime, që nuk kanë shumë klikime”, ka thënë ai.
Për Semanajn, me siguri që hakerat kanë vënë nën sulm linke të padëshiruara të portaleve kritike ndaj qeverisë, derisa arrijnë që të shpenzojnë shuma kaq të mëdha për të hequr linke online.
“Derisa një grup i caktuar është i aftë që të japë kaq para për hakerim, i bie që është temë e nxehtë që po flitet. Është shumë e vështirë që të kapet autori apo të zbulohet organizata që qëndron pas sulmeve të tilla. Kolegët më njoftojnë se janë shumë faqe kritike ndaj qeverisë edhe aktualisht nën sulm, por për fat të mirë kemi specialistë të mirë në mbajtjen e faqeve e ndaj faqet po mbahen në këmbë’, deklaroi Semanaj”, ka shtuar eksperti.
Discussion about this post