Detaje të reja janë zbardhur në lidhje me plagosjen e efektivit të policisë, Anxhelo Kumaraku.
Autorë të dyshuar janë dy vëllezër që dyshohet se kanë pasur një konflikt për borxh me fqinjin e policit. Në kohën e ngjarjes, Kumaraku ka qenë i shoqëruar nga fqinji i tij, i cili kishte thyer masën e sigurisë ‘arrest në shtëpi’.
Para rreth 5 muajsh për këtë konflikt ai i ka dhunuar vëllezërit dhe në shenjë hakmarrje ata dyshohet se kanë tentuar ta qëllojnë mbrëmjen e së dielës, por plumbat kapën policin.
Në momentin e ngjarjes ata kanë qenë në rrugicën e shtëpisë.
Sakaq polici ka deklaruar se me personin që ishte objektiv janë shok fëmijërie.
Shënjestër e atentatit fqinji, dyshohet për prishje të pazareve të drogës.
Policia e Tiranës njoftoi se më datë 18 maj, rreth orës 00:10 minuta në Shkozë është plagosur një efektiv policie. Ky i fundit ka qenë jashtë shërbimit, kur ka ndodhur ngjarja.
30-vjeçari Anxhelo Kumara ka qenë afër banesës së tij i shoqëruar nga fqinji, një person me masë sigurie “arrest shtëpie” për armëmbajtje pa leje. Dyshohet se objektiv i atentatit ka qënë pikërisht fqinji i efektivit, atentatit që dyshohet të jetë kryer për prishje të pazareve të drogës me persona të tjerë.
“Më datë 18.05.2026, rreth orës 00:10, në zonën e Shkozës, në rrethana ende të paqarta, është plagosur, dyshohet me armë zjarri, shtetasi A. K., rreth 30 vjeç, punonjës policie jashtë shërbimit.
30-vjeçari është transportuar në spital dhe ndodhet jashtë rrezikut për jetën.
Menjëherë pas marrjes së njoftimit, shërbimet e Policisë kanë ngritur pika kontrolli dhe po vijojnë kontrollet intensive në zonë, me qëllim kapjen e autorit/ëve.
Grupi hetimor dhe Agjencia e Mbikëqyrjes Policore (AMP), nën drejtimin e Prokurorisë, ndodhen në vendngjarje dhe po punojnë për sqarimin e plotë të rrethanave, identifikimin e autorit/ëve dhe dokumentimin ligjor të ngjarjes.”, njoftoi policia.
Discussion about this post