Ish-ministri i Ekonomisë, Genc Ruli, është paraqitur në GJKKO për të dëshmuar lidhur me privatizimin e kompleksit “Partizani”.
Gjatë dëshmisë së tij, Ruli tha se në vitin 2005, kur ka mbajtur detyrën e ministrit të Ekonomisë, institucioni i tij kishte rol në mbikëqyrjen dhe përgatitjen e proceseve të privatizimit, duke theksuar se qëllimi kryesor ishte respektimi i interesave të pronarëve.
Ai deklaroi se në atë periudhë kishte dy klube sportive në proces dhe se politika qeveritare synonte që gjatë privatizimeve të merreshin në konsideratë pronat e zëna apo të pretenduara nga palë të ndryshme, si dhe t’u jepej e drejta e parablerjes ish-pronarëve.
Duke iu referuar konkretisht kompleksit sportiv “Partizani”, ish-ministri tha se ishte vënë në dijeni nga ish-pronarë dhe subjekte të ndryshme private për pretendime pronësie, duke shtuar se kishte zhvilluar takime me palët e interesuara për të dëgjuar qëndrimet e tyre.
Ruli deklaroi gjithashtu se i kishte komunikuar zyrtarisht ish-ministrit të Mbrojtjes, duke kërkuar informacion mbi inventarin e pronave shtetërore dhe statusin e tyre juridik, në mënyrë që procesi i privatizimit të ishte i qartë dhe i dokumentuar.
Sipas tij, procedurat janë zgjatur për shkak të përfshirjes së disa institucioneve dhe mungesës së koordinimit mes tyre, ndërsa shtoi se kishte pasur edhe ndryshime në destinacionin e disa pronave nga bashkitë.
Spak: Kur keni qene ministër i ekonomisë?
Genc Ruli: Në 2005 kam qenë ministër i ekonomisë, gjithashtu ka dhe rol në supervizonime të procesit të privatizimit, institucioni. Kjo është edhe për përgatitjen e procesit.
Ruli: Janë dy klube, pasi ajo merrte rëndësi duke qenë se ne si politikan i bindemi programit qeveritar. PD kishte marrë detyrimin që gjatë proceseve te privatizimit, do shikoheshin ngushtësisht interesat e pronarëve, të cilat ishin zënë nga prona shtetërore apo nga pale të tjera. Ne patëm synimin që ti japin të drejtën e parablerjes pronarëve. Disa nga grupet e pronarëve, kanë qenë se ata kërkonin të mbanin parasysh interesat ë tyre. Se privatizimi zgjaste në kohë sepse kishte shume institucione që përfshiheshin, në këtë çështje.
Ruli: Ishte një klub partizani. Unë kisha ardhur në dijeni, nga pronarët qe ajo ishte pronë private, por edhe nga pronarët subjekteve private. Për ti dëgjuar te gjitha palët. Dy herë i kam thënë Albert Xhanit që ky proces do të shkojë në favor të pronarëve. Siç i kam thënë se edhe ju që donin ta merrni, për ndërtime në fund keni për ta dhënë. Këta persona i kam takuar në zyrë. Korrespondencë kam pasur vetëm me ministrin e mbrojtës, unë skam dëgjuar dy emra vetëm klubi sportiv partizani.
Ruli: Se çfarë ishte e kam marrë vesh më vonë, pasi jam interesuar pas takimeve me ish-pronarët, apo dhe nga pronari provat. Në tetor të 2005 unë u kam bërë një letër ministrive që të na sjellin një inventarë të pronave që kemi si shtet dhe po ashtu edhe letra nëse kanë pasur interes nga pronarët për ti marrë ato prona. Mediu ka qenë ndër të parët që është përgjigjur, përsa i përket pronave që ishin jashtë planit të përhapjes.
Spak: Kërkesa nga ministri i Mbrojtjes është bërë në nëntor 2005 dhe ju i keni kthyer përgjigje në 2007.
Ruli: Në kohën tonë nuk mund të përmirësohej brenda dy vjetëve legjislacioni. Po ashtu edhe administrata nuk ishte kështu. Unë i kam kthyer përgjigje shume shpjet brenda 7-8 muajve. Di që edhe bashkia i ka bërë ndryshimin e destinacionit. Këtë e kam mësuar mbi bazë dokumentesh.
Ruli: Më ç’mund të kujtoj, duke parë problemet e privatizimit, bashkëpunimi mes agjencive të ndryshme ishte po ashtu i vështirë. Po ashtu di që i kamë propozuar ministrisë së ekonomisë nga një punonjës në institucione për të përshpejtuar procedurat.
Discussion about this post