Revolta masive! Shkrimtarja Lea Ypi reagon për protestën e 11-të në Tiranë, publikon pamje nga tubimi: Ndjehem shumë krenare!

Akademikja dhe shkrimtarja shqiptare Lea Ypi ka shprehur edhe një herë mbështetjen e saj për protestën masive që po vijon në Tiranë.

Përmes një publikimi në rrjetet sociale, Ypi ndau një foto nga grumbullimi i qytetarëve në kryeqytet, ku mijëra protestues shihen të mbledhur përballë Kryeministrisë. Krahas imazhit, ajo zgjodhi të përcjellë një mesazh të shkurtër, por domethënës: “Shumë krenare”.

Postimi i saj u shoqërua me këngën “Dua më shumë Shqipërinë”, duke tërhequr vëmendjen e ndjekësve dhe duke u komentuar gjerësisht në rrjet.

Reagimi i Lea Ypit vjen në një kohë kur protestat kundër qeverisë dhe kryeministrit Edi Rama kanë hyrë në ditën e 11-të, me pjesëmarrje të lartë qytetare dhe marshime të përditshme në rrugët e Tiranës.