Në prag të 250-vjetorit të Pavarësisë së Shteteve të Bashkuara të Amerikës, më 4 korrik, Ambasada Amerikane në Tiranë organizoi një pritje në kryeqytet, ku bëri bashkë diplomatë, politikanë, akademikë, e më gjer.
Pavarësisht përjashtimit nga ndalimi për të hyrë në SHBA, ra në sy mungesa e kryedemokratit Sali Berisha në festën e zhvilluar.
Pra me shumë gjasa, Berisha nuk do të ketë më ftesa nga zyrtarë të lartë amerikanë apo nga Ambasada Amerikane, por vetëm i është ‘liruar’ viza për të shkuar në SHBA.
Mes qindra të ftuarve, janë edhe përfaqësues të partive politike nga PS, PD, PR dhe Partia Mundësia, kabineti qeveritar dhe zyrtarë të tjerë.
Në festën e zhvilluar munguan gjithashtu edhe kryeministri Edi Rama dhe Presidenti Bajram Begaj, të cilët ndodhen jashtë vendit për takime zyrtare.
Nga ana tjetër, në këtë takim ishte i ftuar edh ish-deputeti demokrat, Ervin Salianji, i cili prej disa muajsh po kërkon që PD të hapet dhe të krijojë një platformë të re, ku sipas tij pengesë për hapjen e partisë mbetet kryetari aktual Berisha.
Në festën e zhvilluar munguan gjithashtu edhe kryeministri Edi Rama dhe Presidenti Bajram Begaj, të cilët ndodhen jashtë vendit për takime zyrtare.
E Ngarkuara me Punë e Shteteve të Bashkuara në Tiranë, Nancy VanHorn, kujtoi ngjarjet e 4 korrikut 1776, duke cituar dhe presidentin e vendit, Donald Trump. “Më 4 Korrik 1776, një grup vizionarësh amerikanë i deklaruan botës se të gjithë janë krijuar të barabartë, me të drejtën për jetë, liri dhe ndjekjen e lumturisë.
Siç ka thënë Presidenti Trump: ‘Edhe sot e kësaj dite, këto fjalë i japin jetë Republikës sonë, trazojnë zemrat e çdo qytetari dhe frymëzojnë mënyrën tonë të jetesës… Për gati dy shekuj e gjysmë, nuk ka pasur pengesë më të madhe ndaj tiranisë dhe shtypjes se sa këto fjalë të fuqishme’”.
Diplomatja amerikane solli në vëmendje rrugëtimin e vështirë të Shqipërisë gjatë komunizmit dhe vlerësoi luftën për demokraci. “Për 250 vjet, Amerika ka qenë një fener shprese për njerëzit në mbarë botën që dëshirojnë të marrin frymë të lirë. Shqiptarët e njohin mirë atë dëshirë. Udhëtimi i kombit tuaj nga shtypja dhe izolimi drejt demokracisë dhe aleancës Perëndimore është një nga historitë e mëdha të suksesit të kohës sonë. Ju po ndërtoni një shoqëri dhe institucione që nxisin parimet e lirisë dhe drejtësisë për të gjithë dhe e keni bërë këtë përmes guximit dhe sakrificës vetjake”.
Discussion about this post