Një përplasje mes policisë dhe një personi në kërkim ka ndodhur mbrëmjen vonë të së shtunës në Ksamil. Ngjarja ka ndodhur në aksin Ksamil – Butrint.
Agjentë të krimeve të Komisariatit të Sarandës kanë tentuar të kapin një person në kërkim gjatë një operacioni policor. Gjatë ndjekjes, i kërkuari ka përplasur mjetin e tij me mjetin ku ndodheshin efektivët e policisë dhe ka arritur të largohet.
Në vendngjarje kanë shkuar forca të shumta policie me mbështetjen edhe të FNSH dhe vijuan operacionin në kërkim të të kërkuarit.
Në orët e para të së dielës policia ka arritur të kapë personin në kërkim. Sipas burimeve ai është nga Elbasani, emri i të cilit ende nuk është bërë i ditur, është person me rrezikshmëri të lartë i përfshirë në disa ngjarje të rënda dhe është i kërkuar nga SPAK.
gijotina.com/
Discussion about this post