Kryeministri Edi Rama ka bërë sërish një postim në rrjetet sociale lidhur me protestën. Këtë herë Kryeministri i është sulur hoxhë Mustafa Terniqit, pasi ky i fundit ka bërë një koment ndaj Arben Kolës, duke thënë se ai nuk e përfaqëson protestën qytetare. Në postimin e tij, Rama i drejtohet Terniqit, duke i thënë se për llogari të kujt është futur ai në protestë. Nga ana tjetër, komentuesit e kanë masakruar me komente negative kryeministrin.
Postimi i Ramës:
Ah, pra unë e paskam ditur diçka kur ia tregova shqiptarëve këtë “hero” të flamingove Po pyetja ime tani është, po ti o hoxhë për llogari të kujt je futur në protestë se vendi yt është në xhami dhe për ty që duhet të drejtosh lutjet, Kurani thotë se mbi kurrizin tënd rëndon një përgjegjësi e madhe, për të paqtuar shpirtrat, për të predikuar të vërtetën dhe për të mos e fshehur dijen?¿ Pra shkurt llafi, të mos luash kukamçefthi hoxhë, e të mos bësh punën e shejtanit duke futur xixa mes shqiptarëve, se nuk ia ka borxh askujt ky vend ndezjen e zjarreve të dasive fetare, as mesveti, as me botën
Dhe merr shembull nga urtësia e Komunitetit Musliman, paçka se nuk je as pjesë e tij, se s’po të them gjë për si e qysh u ndërtua asokohe xhamia jote Toleranca e madhe nuk është as dobësi e as mosdije për shumë gjëra të pathëna i dashur hoxhë ***Askush të mos dyshojë se do t’ia lejoja vetes të merresha kështu me këdo protestues që s’ka mizë në vesh kur flet, se po t’ia lejoja s’do respektoja rolin dhe detyrën time ndaj shqiptarëve. Po shqiptarët, në daç në punë, në daç në protestë e në daç në kafe, s’mund të lejojnë që këta të mizave instaluara në vesh, t’i nxisin keq e më keq kundër njëri-tjetrit…
Discussion about this post