Zbardhen diskutimet në sallën e gjyqi, Meta për CEZ-DIA: Gënjeshtrat e Dritan Priftit janë ende mes nesh

Në Gjykatën e Posaçme ka nisur gjyqi i themelit ndaj ish-presidentit Ilir Meta dhe ish-deputetes Monika Kryemadhi, ndërsa në sallë janë zhvilluar debatet e para mes mbrojtjes dhe akuzës për çështjen CEZ-DIA.

Ilir Meta, gjatë fjalës së tij në seancë, tha se pretendimet për përfshirjen e tij në çështjen CEZ-DIA bazohen te “gënjeshtra” dhe përmendi një email të vitit 2016, për të cilin pretendon se nuk përmend emrin e tij apo të ish-kryeministrit Sali Berisha.

Më vjen keq që Dritan Prifti nuk është mes nesh, por gënjeshtrat e tij janë mes nesh. Ai ka thënë që jam përfshirë unë te CEZ-DIA, por dokumentet tregojnë ndryshe”, deklaroi ish-presidenti në sallën e gjyqit”, mësohet të ketë thënë Meta, sipas gazetares Anila Hoxha.

“Do bëj dy plotësime për CEZ-DIA. Më vjen keq që ai nuk është mes nesh, por gënjeshtrat e Dritan Priftit janë mes nesh. Ky ka thënë që jam përfshirë unë te CEZ-DIA. Ka një email që dërgon Ervis Mataj më 16 prill. I ka shkruar avokatit që kjo puna e DIA-s është korruptive. Nuk përmendet as emri im, as emri i Berishës“, u shpreh Meta.

Ai iu referua gjithashtu dëshmisë së ish-drejtuesit të kompanisë çeke CEZ, Josef Heisek, duke thënë se ky i fundit ka deklaruar se nuk e njihte biznesmenin Kastriot Ismailaj dhe se prezantimi me drejtuesit e kompanisë ishte bërë nga ish-ambasadori shqiptar në Çeki, Qazim Tepshi.

“Në dëshminë e tij, zoti Heisek në vitin 2011 thotë se nuk e njeh personin që i prezantoi CEZ-DIA. Më pas, në vitin 2014, kujton se ia prezantoi Qazim Tepshi. Ishin disa kompani dhe ne morëm disa të dhëna për DIA-n. Ajo që na bindi ishte DIA amerikane”, citoi Meta.

Ish-presidenti kundërshtoi gjithashtu një prej pretendimeve të SPAK-ut lidhur me një mesazh të vitit 2009, ku përmendet shifra “200 mijë”.

“Më sill mua patronazhistin që e ka nisur. Është shumë e thjeshtë me teknologjinë që ka avancuar që të niset një mesazh i tillë. Unë isha në opozitë. Është e pamundur që unë të nisja një mesazh të tillë për diçka që do të ndodhte 14 muaj më pas”, deklaroi Meta para trupit gjykues.