Kreu i BDI-së, Ali Ahmeti ka sulmuar protestën e qytetarëve në Shqipëri, dhe i ka dalë në mbrojtje Edi Ramës. Gjatë fjalës së tij në Kuvendin e BDI-së, ai ka ngritur pretendime se protesta po ndikohet nga fushata apo faktorë të jashtëm, duke përmendur Greqinë dhe Beogradin.
Edhe pse mijëra qytetarë kanë dalë në protestë pasi në 13 vite pushtet të Edi Ramës janë zhvatur nga korrupsioni dhe vjedhja e këtij të fundit, Alimehmeti thotë se këto protesta kanë pasoja, veçanërisht në sektorin e turizmit dhe investimeve.
“Ne e shohim që këtu Shqipëria, nga këto protesta që nuk dihet ku e kanë kokën, merr dy goditje. Goditje të forta.
Industria kryesore e Shqipërisë është turizmi. Goditet tek turizmi. Nga doli fushata e parë? Nga Greqia, sepse turizmi po i rrezikohet nga Shqipëria, po i rrezikohet Greqisë. Që një shtet fqinj s’bën me menduar kështu për fqinjin e vet, po ja që ka ndodhur, që deklarata e parë dhe reagimet e para erdhën nga Greqia.
Kush u bë zëdhënësi i parë i kësaj fushate? Në Beograd? I njëjti që bën fushatën e protestave në Serbi, bën fushatën për protestat në Shqipëri.
Dikush mund të ngrihet dhe të thotë: Ali Ahmeti po mbron Edi Ramën. Jo, Ali Ahmeti mbron Shqipërinë dhe i dhimbet Shqipëria”,- shprehet Ahmeti në videon e ndarë nga Taulant Balla.
Discussion about this post