Një ngjarje e rëndë është regjistruar pasditen e kësaj të premteje në bregdetin e Vlorës, ku një 29-vjeçare ka humbur jetën pasi dyshohet se është mbytur në det.
Viktima është identifikuar si Afërdita Xhilaj. Sipas informacioneve paraprake, e reja është përballur me rryma të forta detare në zonën e Porto Novos, një pikë e njohur për kushte të rrezikshme detare dhe rryma të fuqishme.
Menjëherë pas nxjerrjes nga uji, trupi i pajetë është transportuar me gomone drejt Triportit dhe më pas është dërguar në morgun e Spitalit Rajonal të Vlorës për ekspertizë mjeko-ligjore.
Policia e Vlorës ka nisur hetimet për të sqaruar rrethanat e plota të ngjarjes dhe po merr në pyetje dëshmitarë që ndodheshin në zonë në momentin e incidentit.
Autoritetet pritet të përcaktojnë nëse bëhet fjalë për një aksident tragjik apo nëse ka faktorë të tjerë që kanë ndikuar në këtë humbje jete në det.
Discussion about this post