Kryetari i LZHK, Dashamir Shehi, ka dalë në një propozim shumë të rëndësishëm ditën e sotme. Përmes një konferencë për mediat Shehi u shpreh se duhej që sa më shpejt të miratohej një projektligj për referendumet, sepse tashmë është koha më e përshtatshme duke qenë se nuk do të kishte presione zgjedhore nga palët.
“Në një vend kaq të vogël si i joni, këtu brenda ligjit ndodhen të trija format e referendumit. Referendumi kombëtar dhe referendum për çështjet lokale. Për shembull nëse ne nesër do votonim a duhet të ndërtohet hidrocentral mbi lum apo jo? Për mendimin tim do thoja se është çështje kombëtare sepse Vjosa si shembull vërtet kalon në disa treva por është një pasuri e të gjithë shqiptarëve. Nuk është çudi që ky lum të sulmohet dhe thërrmohet nën interesin e madh që mund të kenë.
Kjo është një periudhë jashtë procesit zgjedhor se zgjedhjet e tjera janë pas 3 vitesh. Në këtë mënyrë nuk do ketë presion. Po na iku kjo pranverë, vitin tjetër vazhdojmë muhabetet e presioneve dhe ligjeve zgjedhore. Ky nuk është thjesht ligj zgjedhor, hajde të ngutemi se kam shpresë se do arrijmë rezultatin që ka munguar gjithë këto vite”, tha ai. I pyetur se si do të bindet mazhoranca për këtë çështje, Shehi tha se tani është dhe koha më e qetë për të pasur sadopak bashkëbisedim mes palëve politike.
Discussion about this post