Diaspora shqiptare ka vijuar edhe sot protestat kundër kryeministrit të Shqipërisë, Edi Rama, duke organizuar tubime në disa qytete evropiane, përfshirë Nurembergun në Gjermani dhe Pisa e Bolzano në Itali.
Sipas raportimeve, protestuesit janë mbledhur në sheshe publike me pankarta dhe thirrje kundër qeverisë, duke shprehur mbështetje për protestat që po zhvillohen paralelisht edhe në Tiranë. Ata kanë kërkuar ndryshim politik, përgjegjësi institucionale dhe dorëheqjen e kryeministrit.
Gjatë tubimeve, pjesëmarrësit kanë deklaruar se diaspora do të vijojë mobilizimin edhe në qytete të tjera evropiane, duke e konsideruar këtë si pjesë të një angazhimi më të gjerë për mbështetjen e protestave në Shqipëri dhe kërkesave të tyre.
Protestat e diasporës vijnë në një kohë kur në vend vijojnë tubimet e vazhdueshme kundër qeverisë, të cilat organizatorët i kanë cilësuar si pjesë e një lëvizjeje qytetare për ndryshim politik në vend.
Discussion about this post