Portugalia i dha fund rrugëtimit në Botërorin 2026, pasi u eliminua në fazën e 1/8-ave nga Spanja, që triumfoi me rezultatin 1-0 falë golit të Mikel Merinos në minutën e 91-të.
Pas ndeshjes, Cristiano Ronaldo konfirmoi zyrtarisht se ky ishte Botërori i tij i fundit me fanellën e Portugalisë, duke i dhënë fund një epoke të jashtëzakonshme me përfaqësuesen.
Sulmuesi legjendar u bë futbollisti i parë në histori që mori pjesë në gjashtë Botërorë, edhe pse nuk arriti ta fitonte trofeun.
Në deklaratën e tij, 41-vjeçari kujtoi sukseset që ka sjellë me Portugalinë dhe theksoi se përpara brezit të tij kombëtarja nuk kishte fituar asnjë trofe.
“Do të zgjohem nesër, njësoj siç u zgjova sot, me ndërgjegjen e pastër, sepse kam dhënë gjithmonë më të mirën. Kam fituar tre trofe me Portugalinë. Përpara Cristianos, Portugalia nuk kishte fituar asnjë titull në histori.
Trofeu më i rëndësishëm për mua është Europiani i vitit 2016. Për mua, ta fitosh Europianin është njësoj sikur të fitosh Botërorin. Largohem me ndërgjegjen e pastër, pasi kam dhënë gjithçka për Portugalinë. Nesër është një ditë e re dhe jeta vazhdon”, deklaroi Ronaldo.
Discussion about this post