Ylber Ramadani ka një aventurë të re në karrierë. Mesfushori i Kombëtares shqiptare është zyrtarisht futbollist i Çorumit, klub që militon në Superligën turke dhe e ka prezantuar transferimin përmes kanaleve zyrtare.
Sipas marrëveshjes së arritur mes klubeve, Çorumi i ka paguar rreth 1 milion euro Leçes për kartonin e Ramadanit, i cili largohet nga skuadra italiane pas tre vitesh.
Futbollisti 30-vjeçar ka firmosur një kontratë dyvjeçare me klubin turk, ndërsa marrëveshja përfshin edhe një opsion rinovimi për një sezon tjetër.
Ramadani ishte një nga lojtarët më të rëndësishëm të Leçes në vitet e fundit, duke fituar një rol të rëndësishëm në mesfushën e skuadrës italiane dhe duke qenë një titullar i rregullt edhe me Kombëtaren shqiptare.
Njoftimi
Klubi ynë ka arritur një marrëveshje me US Leçe për transferimin përfundimtar të futbollistit profesionist Ylber Ramadani, dhe është nënshkruar një kontratë 2+1 vjeçare me lojtarin.
Me besimin tonë se ai do të ketë një karrierë të suksesshme nën fanellën e ARCA Çorum FK, i mirëpresim Ylber Ramadanit dhe i urojmë shumë suksese në udhëtimin e tij të ri.
Discussion about this post