Ambasadori i OSBE-së në Shqipëri, Michel Tarran, vlerësoi karakterin paqësor dhe qytetar të protestave si një element normal i jetës demokratike në vend.
Ai shprehu shqetësimin për nivelin e lartë të polarizimit politik, duke theksuar se, ndonëse ekzistenca e poleve të ndryshme është normale, dialogu konstruktiv ndërmjet palëve mbetet ende një sfidë e pazgjidhur.
Sipas ambasadorit, respektimi i të drejtës për të protestuar është thelbësor, por përparimi politik i Shqipërisë varet nga aftësia e aktorëve për të ndërtuar një komunikim më efektiv.
“Protestat janë një aspekt normal i jetës demokratike dhe gëzohem që Shqipëria është bërë një vend ku protesta të tilla organizohen në mënyrë shumë qytetare dhe paqësore. Ka pasur disa incidente, por në përgjithësi, pas më shumë se një muaji, nuk ka pasur incidente të rënda. Fakti që ekzistojnë dy, tre apo më shumë pole në politikë është diçka normale. Është një karakteristikë e vendeve demokratike. Fatkeqësisht, dialogu politik në Shqipëri nuk është në nivelin e duhur”, deklaroi Michel Tarran.
gijotina.com/
Discussion about this post