Kryeministri Edi Rama ka bërë një lëvizje tjetër në rrjetet e tij sociale, ku pas përditësimit të fotos së profilit këtë herë ka bllokuar edhe komentet e qytetarëve. Ditën e sotme ai publikoi një video në rrjetin social Facebook, ku foli për koncertin e këngëtarit me famë botërore Kanye West, i cili performoi dje në Tiranë. Në këtë video ai tha se 4 milionë eurot e dhëna për koncertin e Kanye West ishin investim për Shqipërinë.
Siç shihet, ai ka lënë vetëm komentet pozitive të cilat vijnë nga profile të rreme, ku pikasin komentet si “Koncerte të tilla tregojnë se Tirana është metropol europian” dhe “Ishte madheshtore”.
Kujtojmë që disa ditë më parë Arbian Maznikut, u kërkoi administratave të çdo bashkie të hapin llogari të reja në rrjetet sociale dhe të angazhohen në komentet online për të kundërshtuar kritikat dhe për të mbështetur qeverinë. Konkretisht, Mazniku u kërkon të hapin nga dy llogari Instagram, dy llogari TikToku dhe dy Facebook.
“A mundemi ju lutem qe te kerkojme dhe nga 1 person per Bashki te ndare nga keta qe morem qe tju themi hapni nga 2 llogari instagrami 2 llogari tiktoku dhe 2 facebook fan page, ti hapin me emer mbiemer fiktiv jo te vertete te ndare nga keta qe morem te jete grup i vecant vetem per like comment dhe share por meshume per komente te luftojme dhe komentet”, shkruan Mazniku në mesazhin që u është shpërndarë administratës.
gijotina.com/
Discussion about this post