Ledion Mziu është një nga banorët e ‘5 majit’ i cili rezistoi për prishjen e banesës, madje u lidh edhe me pranga në çatinë e shtëpisë si një shenjë proteste që të mos i shembej banesa.
Ndërkohë forcat e policisë e kanë zbritur me dhunë nga çatia ku më pas e kanë shoqëruar në komisariat.
Ditën e sotme ai ishte i pranishëm në Komisionin e Ligjeve, ku tha se nuk ka firmosur asnjë marrëveshje me Bashkinë Tiranë, madje sipas tij ndërhyrja e IKMT ka qenë në thyerje të ligjit.
“Duhet të ishte i pranishëm edhe Gledis Nano, familja ime i ka dërguar një e-mail zyrtar. Jam njoftuar për lirimin e banesës, e kam me certifikatë pronësie. E kemi ankimuar”.
Nga ana tjetër banori thotë se i kërkon policisë t’i ofrojë mbrojtje ditën e prishjes së banesës, sepse nuk kam firmosur asnjë marrëveshje me Bashkinë.
“Jam në proces gjyqësor të hapur. Shtëpia ime do jetë e mbyllur dhe kur te vijë IKMT e vetmja gjë që mund të bëj është të kundërshtoj hyrjen. Banesa është e pajisur me certifikatë pronësie, që ta marrësh këtë truall do duhet një aktmarrëveshje dypalëshe. E-maili mban datën 25 dhjetor 2021, ka ndodhur fiks ajo që kisha parashikuar, IKMT ka ndërhyrë me dhunë në shtëpinë time”.
Discussion about this post