Një ambient i përshtatur për ushtrimin e paligjshëm të lojërave të fatit është zbuluar nga forcat e rendit në verilindje të vendit, pas një operacioni policor.
Si rezultat i ndërhyrjes, u arrestua në flagrancë shtetasi A. D., 47 vjeç, banues në Krumë, në cilësinë e punonjësit të lokalit, si dhe u shpall në kërkim pronari i subjektit, shtetasi E. Q., 34 vjeç, po ashtu banues në Krumë.
Gjatë kontrollit të ushtruar brenda ambienteve të lokalit, uniformat blu sekuestruan në cilësinë e provës materiale 10 makineri elektronike të markës “APEX”, 1 tavolinë profesionale pokeri, fletore me shënime dorëshkrimi ku evidentoheshin shumat e luajtura nga klientët, si dhe 1 aparat celular.
Policia e Shtetit bën me dije se vijon puna intensive në terren për kapjen e pronarit të shpallur në kërkim dhe për dokumentimin e plotë ligjor të kësaj veprimtarie kriminale.
gijotina.com/
Discussion about this post