Slavko Vinçiç ka thyer heshtjen pas finales së Kupës së Botës 2026, duke folur për herë të parë për momentet më të rëndësishme të ndeshjes mes Spanjës dhe Argjentinës. Gjyqtari slloven, i cili së fundmi ka konfirmuar tërheqjen nga arbitrazhi, dha një intervistë për mediat në vendin e tij.
Një nga temat më të komentuara ishte biseda që ai pati me Lionel Messin gjatë finales.
Vinçiç zgjodhi të mos zbulojë përmbajtjen e dialogut, por theksoi se kapiteni argjentinas u soll në mënyrë shembullore.
“Do ta lë atë bisedë në fushë. Por mund të them se Messi u soll në një mënyrë sportive”, u shpreh arbitri slloven.
Vinçiç rrëfeu se emërimi nga FIFA për të drejtuar finalen ishte realizimi i një ëndrre, duke pranuar se fillimisht e përjetoi si një tronditje, përpara se krenaria dhe përgjegjësia të merrnin vendin e emocioneve.
“Një karrierë e tërë gjyqtari përmblidhet në një ndeshje të vetme. Përgjegjësia ishte e madhe, por besoj se strategjia jonë ishte e duhura”, deklaroi ai.
Në fund, ish-arbitri mbrojti edhe përdorimin e teknologjisë VAR, duke theksuar se futbolli modern zhvillohet me ritme aq të larta, sa është e pamundur që çdo situatë të gjykohet saktë pa ndihmën e teknologjisë.
Megjithatë, ai shmangu komentet për episodet konkrete të finales së Botërorit.
Discussion about this post