Kristjan Sterjo, i riu i cili vrau mikun e tij të fëmirisë Joan Zuko pasditen e 8 gushtit në qytetin e Korçës është paraqitur ditën e sotme nën masa të rrepta sigurie pranë Gjykatës së Korçës. Pas përfundit të seancës, gjykata caktoi ndaj tij masën e sigurisë “Arrest në burg”.
Bëhet me dije se autori ka deklaruar para trupës gjykuese po të njëjtat gjëra si para grupit hetimor. Gjatë seancës gjyqësore ai ka qenë i qetë, ndërsa në fund të saj ka marrë fjalën dhe ka deklaruar së është penuar. Sipas të riu, qëllimi i tij nuk ka qenë vrasja, ndërsa ka pohur se është konflikuar me të ndjerin edhe më herët.
Më herët gjatë dëshmisë së tij para policisë, Sterjo ka deklaruar se konflikti me viktimën lidhej me disa episode të mëparshme, duke shtuar se ajo e cila ka sjellë agravimin e situatës ka qenë ngacmimi i të dashurës së tij.
Hetuesit po verifikojnë edhe konfliktet e mëparshme mes dy të rinjve, të cilët dyshohet se kishin pasur përplasje për shkak të rivalitetit mes tyre dhe pretendimeve se kush ishte “i forti i lagjes”. Ai akuzohet për veprën penale “Vrasje me paramendim”, si dhe për “Mbajtja pa leje dhe prodhimi i armëve, armëve shpërthyese dhe municionit”.
gijotina.com/
Discussion about this post