Aktori i njohur, Mehdi Malkaj, iu drejtua protestuesve të mbledhur para Kryeministrisë, duke bërë apel për bashkim teksa ka kritikuar ndarjet politike e krahinore që, sipas tij, kanë përçarë shqiptarët.
Malkaj tha se Shqipëria duhet parë si një e tërë, nga veriu në jug, ndërsa ironizoi ndarjen mes “atdheut” dhe “mëmdheut”.
“Jemi katandisur si popull. Shqipëria është dhe me nënë dhe me babë. Veriorët i thonë atdhe, jugorët mëmëdhe. Kemi nënë dhe babë dhe prapë jemi jetimë”, tha Malkaj.
Malkaj u bëri thirrje shqiptarëve, nga Konispoli deri në Tropojë, të bashkohen dhe të mos bien pre e ndarjeve krahinore.
“Ne nuk kemi Veri-Jug. Kjo është politikë e shpifur për të na përçarë”, u shpreh ai.
Në fund, Malkaj sulmoi ashpër kryeministrin Edi Rama, duke e cilësuar atë si përgjegjësin kryesor për situatën në vend.
“Atij qelbësirës duhet t’i tregojmë vendin. Kush është ky, more?! Ai është kryearmiku i Shqipërisë. Nuk ka parë Shqipëria armik më të madh se ai”, tha aktori.
Discussion about this post