Një e re nga diaspora, e cila jeton dhe punon si politologe në Gjermani, është bashkuar me protestën para Kryeministrisë.
Gjatë fjalës së saj, ajo tregoi arsyet që, sipas saj, e kanë detyruar familjen të largohet nga Shqipëria.
Politologia deklaroi se babai i saj u largua nga vendi për shkak të korrupsionit.
Ajo solli në vëmendje edhe një përvojë të fundit që ka përjetuar familja e saj në Shqipëri.
Sipas saj, nëna e saj kishte ardhur në vend për të kaluar disa ditë pushime.
Por gjatë qëndrimit ajo u sëmur dhe pësoi disa kriza, duke pasur nevojë për ndihmë mjekësore.
E reja pretendoi se nëna telefononte numrin e urgjencës, por nuk merrte përgjigje.
Situata, sipas saj, e kishte lënë në ankth të madh ndërsa ndodhej në Gjermani.
“Unë isha në Gjermani shumë në ankth”, rrëfeu ajo para protestuesve.
Politologia tha se në një moment iu desh të telefononte vetë nga Gjermania për të kërkuar ambulancën.
“Na është dashur të thërras ambulancën për ndihmën e shpejtë për të shpëtuar një jetë”, deklaroi ajo.
Ajo tregoi se nëna ndodhej vetëm në Shqipëri gjatë momentit kur kishte nevojë për ndihmë.
Sipas saj, përgjigjja që mori nga shërbimi i urgjencës ishte edhe më shqetësuese.
“Gjëja e parë që më thanë ishte: pse e keni lënë mamanë vetëm?”, tha ajo.
Discussion about this post