Emigranti i drejtohet Ramës: Me kë e ke kontratën? Populli të do në qeli

Një emigrant ka reaguar ashpër ndaj kryeministrit Edi Rama gjatë protestës së zhvilluar kundër qeverisë.

Ai iu referua deklaratës së Ramës se nuk jep dorëheqjen, pasi pretendon se ka një “kontratë” me qytetarët që e kanë votuar.

Emigranti e kundërshtoi këtë argument dhe e pyeti kryeministrin se me kë e ka konkretisht këtë kontratë.

“Me kë e ke kontratën? Populli të do në qeli”, deklaroi ai.

Më tej, ai akuzoi Ramën se kontratën e ka me njerëz që, sipas tij, kanë vjedhur votat.

Ai tha se qytetarët i kanë parë zhvillimet dhe kërkoi që kryeministri të largohet nga detyra.

Sipas emigrantit, në një shtet demokratik dhe ligjor Rama duhet të kishte dhënë dorëheqjen më herët.

“Je akoma në kohë. Jep dorëheqjen njëherë e më parë”, u shpreh ai.

Emigranti deklaroi se protesta shpreh një pakënaqësi të fortë ndaj qeverisë aktuale.

Në vijim, ai përdori tone të ashpra duke paralajmëruar Ramën për pasojat që mund të ketë nëse nuk largohet.

“Ky popull do të të vijë të të arrestojë në Surrel, Kryeministri e kudo që të ndodhesh”, tha ai.