Arsenal-Mançester Siti, përballje kampionësh për trofeun e parë të sezonit në Angli

Arsenali dhe Mançester Siti përballen sot në orën 16:00 në finalen e Community Shield, trofeu tradicional që hap sezonin e ri të futbollit anglez.

“Topçinjtë” e Mikel Artetës vijnë në këtë sfidë pas një sezoni të suksesshëm, ku i dhanë fund pritjes 22-vjeçare për titullin e 14-të kampion në historinë e klubit.

Arsenali arriti të mposhtë konkurrencën e Mançester Sitit në garën për titullin e Premier Ligës sezonin e kaluar.

Nga ana tjetër, Siti synon të nisë sezonin e ri me një trofe dhe një mesazh të fortë për rivalët.

Kjo do të jetë një sfidë e veçantë edhe për stolin e kampionëve të Anglisë.

Pas largimit të Pep Guardiolës, i cili qëndroi për 10 vite në krye të skuadrës, drejtimin e Sitit e ka marrë Enco Mareska.

Trajneri i ri ka menjëherë mundësinë të lërë gjurmën e parë në një nga klubet më të mëdha të futbollit anglez.

Përballja pritet të jetë një test i rëndësishëm për të dyja skuadrat, vetëm pak ditë para nisjes së sezonit të ri në Premier Ligë.

Arsenali kërkon të konfirmojë dominimin e tij, ndërsa Siti synon të rikthehet te trofetë që në start.

Tifozët presin një duel të fortë mes dy prej skuadrave kryesore të futbollit anglez.

Community Shield do të jetë kështu më shumë se një trofe simbolik, pasi të dyja skuadrat duan ta nisin sezonin me moralin në maksimum.