Një qytetar deklaroi nga protesta e sotme se si kryeministri Edi Rama, ashtu edhe kreu i PD, Sali Berisha e kanë humbur legjitimitetin politik, ndërsa akuzoi qeverinë për largimin e të rinjve, goditjen e biznesit dhe keqmenaxhimin e fondeve publike.
Duke iu referuar situatës së zjarreve, protestuesi e krahasoi shpenzimin prej 4.2 milionë eurosh për koncertin e Kanye Ëest me mungesën e mjeteve zjarrfikëse në zonat e prekura nga flakët.
Ai kërkoi gjithashtu që në protestë të bashkohen pensionistët, të rinjtë dhe qytetarët që, sipas tij, janë prekur nga politikat e qeverisë.
“78 ditë në protestë. Po ta llogariësh nga një deputet përditë do të thotë 78. Ne kemi qeverinë tashmë. Edi Rama dhe Berisha kanë rënë. Janë deligjitimuar. Kanë ngritur një sistem për grabitjen e pronës. Berisha me Piramidat e Gërdecin. Kanë shkatërruar Shqipërinë dhe kanë larguar rininë.
Diaspora duhet të vijë çdo muaj për t’ju thënë se ju jeni ata që na larguat. Edi Rama erdhi me premtime të mëdha. Do të hapte 300 mijë vende pune. Por trefishin e tyre i largoi. Sot i tall pensionistët me 50 mijë lekë. Unë iu bëj thirrje pensionstëve se kjo nuk është protestë e Saliut. A e patë çfarë ndodhi në Kuç?
Këtu duhet të jenë të gjithë qytetarët. Të rinjtë shumë kanë ikur. Edi Rama premtoi shumë për rininë. Por i largoi. Promovoi alfabetizmin me Zegjinenë. Fëmijët nuk kanë ku të luajnë. Arsimin e shkatërroi. Mazniku ha biftekun 1 mijë euro te Nusreti ndërsa pensionistët zgjedhin midis bukës dhe ilaçeve.
Biznesmenët e ndershëm mundohet t’i godasë. Tani që buron sezoni çon inspektoriatin në bregdet. 4.2 milionë euro i çoi për tallava. Në krujë ishte një zjarrfikëse e kohës së qepës. Sot qytetarët nuk kanë mundësi të jetojnë “, tha ai.
Discussion about this post