Ervis Gjoshi është komanduar në detyrën e Drejtorit të Përgjithshëm të Mbrojtjes nga Zjarri dhe Shpëtimin, duke marrë drejtimin e institucionit pas dorëheqjes së Arben Carës.
Drejtori i ri i komanduar është prezantuar nga ministri i Punëve të Brendshme, Besfort Lamallari.
Gjoshi vjen në këtë detyrë me një përvojë prej 18 vitesh në strukturat e Policisë së Shtetit.
Më parë ai ka mbajtur pozicione të rëndësishme drejtuese, përfshirë atë të zëvendësdrejtorit për Rendin dhe Sigurinë në Drejtorinë Vendore të Policisë Tiranë, si dhe shef komisariati në Dibër.
Gjatë prezantimit, u theksua rëndësia e rritjes së gatishmërisë dhe profesionalizmit të shërbimit zjarrfikës, veçanërisht në menaxhimin e situatave të emergjencave civile dhe parandalimin e vatrave të zjarrit në të gjithë vendin.
Ndryshimi në krye të Shërbimit Zjarrfikës vjen pas dorëheqjes së Arben Carës, i cili e mbante këtë post që prej shkurtit të vitit 2024.
Discussion about this post