“Duam drejtësi me peshqit e mëdhenj”/ Aktivisti Andi Tepelena: Dosja Balluku duhet të bëhet publike, të tregohet çfarë fshihet pas saj

Aktivisti Andi Tepelena i bëri thirrje SPAK që të veprojë ndaj “peshqve të mëdhenj”.

Nga sheshi përpara Kryeministrisë, ai kërkoi gjithashtu që të bëhet publike edhe dosja e ish zëvendës kryeministres Belinda Balluku.

“O SPAK ku je? Kanë shkuar çmime marramendëse. Nuk është koha për pushime është koha të veprosh. Duam drejtësi me peshqit e mëdhenj. Çfarë po bëhet me dosjen Balluku? Duhet të bëhet publike çfarë fshihet në dosjen Balluku? Pse deputetët e opozitës nuk e bëjnë publike?”, tha ai.

Më pas ai theksoi se nuk ka negociata me kryeministrin Rama.

“Ne kemi kërkuar dorëheqjen e Ramës, por ai hedh disa shashka, me shtetin Bektashi… Harroje se do ta shpërbësh shtetin shqiptar. Do të krijosh shtet brenda shtetit. Nuk do ta falin shqiptarët harroje. Nuk ka negociata me Edi Ramën, është njeriu që ka prodhuar konflikt dhe do ta çoje vendin në konflikt civil. Nuk do ta lejojmë. Duam qeveri teknike”, theksoi mes të tjerash aktivisti.