Kapiteni i kampionëve të Superiores, Albano Aleksi është shprehur për mediat para duelit Egnatia – Lillestrom, sfidë në vigjilje të fazës Play-Off në Europa League.
“Pas përfundimit të kampionatit ishim me ide të qarta se duhet të fokusohemi sa më shumë për Europën. Kemi treguar nga ndeshja e parë e deri në këtë fazë se nuk jemi rastësisht këtu ku jemi.
Kemi bërë maksimumin për të kapur objektivat. Ne jemi më të uritur, pasi çdo kush nga lojtarët dëshiron të luaj në një kompeticion më të madh, siç është Europa League.
Shpresoj që të jemi gati për ndeshjen dhe të bëjmë maksimumin. Objektivit ia arritëm për të luajtur në një kompeticion të madh. Tani duhet ta shijojmë këtë ndeshje dhe fazë, siç tha edhe profesori.
I falënderojë tifozët në maksimum. Ata kanë ardhur jo vetëm nga Rrogozhina, por edhe qytete të tjera të Shqipërisë. Futbolli shqiptar nuk është vetëm për Rrogozhinën.
Shpresoj të japim më të mirën. Në fund të fundit, të dalim me kokën lart nga dueli me rivalin në fushën tonë”, ishin fjalët e Aleksit.
Discussion about this post