Një zjarr i përmasave të mëdha ka përfshirë fshatin Gojan i Madh dhe po përhapet me shpejtësi drejt lagjes “Pepaj” në Pukë.
Flakët, të favorizuara nga erërat e forta, kanë arritur pranë banesave.
Sipas informacioneve paraprake, tre banesa janë përfshirë nga zjarri dhe janë djegur plotësisht.
Situata paraqitet e rrezikshme për banorët, ndaj autoritetet kanë nisur evakuimin e tyre nga zona e kërcënuar nga flakët.
Forcat zjarrfikëse dhe shërbimet e emergjencave civile ndodhen në terren dhe po punojnë për të frenuar përhapjen e zjarrit.
Ndërhyrja po zhvillohet në kushte të vështira, ndërsa flakët vijojnë të kërcënojnë zonën e banuar.
Discussion about this post