“Protesta duhet të marrë tjetër formë”/ Qytetari nga sheshi “Skënderbej”: E kanë tejkaluar disa herë vijën e kuqe! Populli mund të rebelohet

Një qytetar u shpreh se pushtetarët kanë shkelur Kushtetutën dhe i kanë tejkaluar disa herë vijat e kuqe, duke shtuar se populli mund të rebelohet.

“Duhet të marrë formë tjetër protesta. Duhet të jetë më e zgjeruar dhe diasporë. Duhet të gjejmë një strategji të re. Kam frikë se do të eskalojë sepse Rama i ka kaluar të gjitha caqet e demokracisë. Caqet janë tejkaluar dhe nuk duhet t’ia vënë fajin popullin nëse rebelohet. Sepse edhe rebelimi i takon një shoqërie të ndërgjegjësuar.

Unë do të kisha bërë puç ushtarak në Shqipëri, por në situatën që ka kaluar Shqipëria këta kanë shkelur të gjitha rregullat e kushtetutës, e kanë kapërcyer disa herë vijën e kuqe dhe  nuk shikoj fare që ushtria të mos veprojë dhe bllokojë parlamentin e ti nxjerrë të gjithë jashtë dhe ti vërë para drejtësisë. Kam frikë se do të ndodhë nga populli”, tha ai.