Mbrëmjen e sotme do të zhvillohen dy ndeshjet e fundit të javës së parë në Abissnet Superiore, Egnatia – Tirana dhe Dinamo – Vora. Për shkak të impenjimeve në Kupat e Europës, u vendos që ekipi rrogozhinas dhe dinamovit të luajnë të dielën.
Të besuarit e Nevil Dedes zbresin në fushë me petkun e kampionit, ndërsa Tirana e Klafuric do kërkojë befasinë e madhe në “Egnatia Arena”.
Nëse bardheblutë ia dalin të marrin rezultat poztiv në këtë transfertë, do jetë “sinjal” i qartë se janë rikthyer në “versionin e vjetër”.
Në sfidën tjetër, duket se Dinamo – Vora do të jetë me “nota më të qeta”, e planifikuar të mbahet në “Elbasan Arena”. Të dyja ndeshjet do të nisin prej orës 21:00.
Discussion about this post